ലോകം ഗുരുതരമായ സാമ്പത്തിക പ്രതിസന്ധി നേരിടുന്ന ഈ അവസരത്തില്‍ ഒരു ആഗോള കര്‍ന്‍സിയെ പറ്റി ചൈനയടക്കമുള്ള രാഷ്ട്രങ്ങള്‍ ചിന്തിക്കാന്‍ തുടങ്ങിയിരിക്കുന്നു।ആഗോള കറന്‍സി എന്ന നിലയില്‍ അമേരിക്കന്‍ ഡോളര്‍ വഹിക്കുന്ന പങ്ക് എല്ലാവര്‍ക്കും പരിചയമാണ് ।അമേരിക്കയുടെ ആധിപത്യം തകര്‍ച്ചയുടെ ഗര്‍ത്തത്തിലേക്ക് കുതിക്കുമ്പോള്‍ ഡോളരിന്‍ പകരം വെക്കാന്‍ പുതിയ ഒരു കറന്‍സിയെ പറ്റി ചിന്തിക്കുക സ്വഭാവികം ।പെട്രോള്‍ ഉല്‍പ്പന്നങ്ങളുടെ കൈമാറ്റം അമേരിക്കന്‍ ഡോളറില്‍ മാത്രമായിരിക്കണമെന്ന അമേരിക്ക ഒപെക് രാഷ്ട്രങ്ങളുമായി ഉണ്ടാക്കിയ കരാറാണ് ഡോളറിനെ ഇപ്പോഴും സംരക്ഷിച്ച് പോരുന്നത്।പുതിയ ഒരു കറന്‍സിയെ പറ്റി ചിന്തിക്കുമ്പോള്‍ അത് ഏത് തരതില്‍ ഉള്ളതായിരിക്കണമെന്ന് നാം വിശദമായി അന്വേഷിക്കേണ്ടതുണ്ട്।ഐക്യ രാഷ്ട്ര സഭയുടെ നേത്രത്വത്തില്‍ ഉള്ളതായിരിക്കണം പുതിയ ആഗോള കറന്‍സി।സ്വര്‍ണ്ണത്തിന്‍റെ വിലനിലവാരമനുസരിച്ചുള്ള മൂല്യമായിരിക്കണം।ഇത് ഒരു രാഷ്ട്രത്തിനും സ്വന്തം കറന്‍സിയയായി ഉപയോഗിക്കാന്‍ അനുമതി നല്‍കരുത്।അതായത് ജനങ്ങള്‍ക്ക് നേരിട്ടുള്ള വിനിമയത്തിന് സാധിക്കരുത് എന്നു തന്നെ।പിന്നെ എങ്ങിനെ എന്നല്ലേ...ബാങ്കുകള്‍ തമ്മിലായിരിക്കും ഈ കറന്‍സിയുടെ ഇടപാട്।ഉദാഹരണത്തിന് ഇന്ത്യക്കാരന് ഫ്രാന്‍സില്‍ നിന്നും ഒരു മരുന്ന് വങ്ങണമെന്ന് വെക്കുക ഒരു ഡോളറാണ് വില।ഇന്ത്യക്കാരന് ഒരു ഡോളറിന്റെ മൂല്യത്തിന് അനുസരിച്ചുള്ള ഇന്ത്യന്‍ രൂപ ബാങ്കില്‍ അടവാക്കണം।ബാങ്ക് ഡോളര്‍ ഫ്രാന്‍സിലെ ബാങ്കിന്‍ നല്‍കുന്നു.
